Ym Manceinion mae Richard yn chwilio am gariad ond yn cwestiynu a fydd o’n darganfod rhywun fydd yn fodlon rhoi iddo’r rhyddid mae o ei angen. Tra bod Francisco, yn Ericeira, Portiwgal, wedi disgyn mewn cariad efo merch o Roeg ac mae ei fywyd rhywiol wedi cymryd tro pedol. Mae’r Almaenes Angelina a Saher o Iraq mewn cariad llwyr ac eisiau symud i mewn efo’i gilydd yn Freiburg. Symudodd Thais o Baris i Berlin ar ôl gwahanu efo’i chariad er mwyn ailddechrau ei bywyd. Maen nhw i gyd yn cwestiynu eu hagweddau tuag at gariad, rhamant, hunaniaeth a rhyddid rhywiol ymysg yr her o drin perthnasau cyfoes.

Yng Nghaerdydd mae Efa, 24 oed yn ddi-waith, heb gariad ac yn ddigartref ond tydi hi ddim yn dibynnu ar ei rhieni i’w chefnogi yn ariannol. Ym Mrwsel mae Margaux, 24 oed yn astudio am e gradd ac yn ysu am fod yn annibynnol o’i rhieni hi. Mae Alexandro o Athen yn treulio ei amser yn byw efo system o paramaethu, ond yn amau y bydd angen help ei dad i ddilyn ei freuddwyd. Ym Monopoli, yr Eidal mae Claudia, 33 oed, eisiau priodi ei dyweddi a gadael tŷ ei rhieni. Mae’r pedwar person ifanc yma yn cynrychioli’r dewis sydd i bobl ifanc ar draws Ewrop wrth iddyn nhw newid a dechrau dod yn oedolion.

Mae Pawel, yn Lodz, gwlad Pwyl wedi rhoi’r gorau i’w radd mewn pensaernïaeth i adeiladu FAB LAB, ac eisiau creu pentref eco. Mae Claudine o Luxembourg wedi dioddef trais corfforol ac emosiynol ac wedi rhoi ei bywyd i helpu teithwyr ifanc fel gweithwraig gymdeithasol. Ym Munich, roedd Uta yn gweithio am flynyddoedd mewn cwmni cyfreithiol mawr ond mi dorrodd i lawr ac adennill ei rhyddid. Bellach mae hi’n gweithio fel model ac yn y diwydiant lletygarwch, tra ei bod yn chwilio am waith efo mwy o ystyr. Mae Jean Baptiste yn byw yn ardal Paris ac wedi blynyddoedd o weithio fel clerc swyddfa, penderfynodd yn 23 oed i agor bwyty o safon uchel. Ar draws Ewrop mae’r gweithlu yn mynd i’r afael efo dewisiadau am eu bywydau a’u gwerthoedd sydd ddim o reidrwydd yn cyd-fynd.

Diwrnod a noson ar un ddydd Sadwrn, wedi ei rannu ar draws Ewrop i gyd. Mae un ar ddeg o bobl ifanc yn rhannu’r un dyhead: i fwynhau eu hunain! O’r bwyty i’r ffair, efo alcohol, cyffuriau a sioeau drag, o fyrfyfyrio a synfyfyrio zen i gelf y stryd. Gydag un ar ddeg ffordd wahanol o dreulio dydd Sadwrn, cawn ddilyn y rhai dan sylw o’r wawr tan y wawr.